Athletic 2 - 1 Real Madrid
1-0 Alejandro Berenguer ('53 )
1-0 Kylian Mbappe ('68 , Misnotað víti)
1-1 Jude Bellingham ('78 )
2-1 Gorka Guruzeta ('80 )
1-0 Alejandro Berenguer ('53 )
1-0 Kylian Mbappe ('68 , Misnotað víti)
1-1 Jude Bellingham ('78 )
2-1 Gorka Guruzeta ('80 )
Franski framherjinn Kylian Mbappe klúðraði aftur víti er Real Madrid tapaði fyrir Athletic Bilbao, 2-1, í La Liga á Spáni í kvöld.
Öll augu hafa verið á Mbappe síðan hann samdi við draumafélag sitt, Real Madrid, en þó hann hafi verið að skila inn mörkum reglulega hefur frammistaða hans ekki þótt góð.
Hefur hann meðal annars verið gagnrýndur fyrir það hversu oft aðstoðardómarinn hefur gripið hann í rangstöðu og gerðist það einmitt á 14. mínútu leiksins í kvöld er hann setti boltann í netið.
Það var reyndar umdeilt atvik því Rodrygo var tekinn niður í teignum í sömu sókn áður en boltinn datt til Mbappe sem var í rangstöðu, en engin vítaspyrna dæmd og markið tekið af Frakkanum.
Alejandro Berenguer kom heimamönnum í Athletic yfir á 53. mínútu en Mbappe fékk gullið tækifæri til þess að jafna metin er Madrídingar fengu vítaspyrnu á 68. mínútu.
Mbappe fór á punktinn en Julen Agirrezabala sá við honum. Annað vítið í röð sem Mbappe klúðrar.
Hann má að vísu eiga það að hann átti þátt í jöfnunarmarkinu sem Jude Bellingham skoraði tíu mínútum síðar. Agirrezabala varði skot Mbappe út á Bellingham sem hirti frákastið og skoraði.
Madrídingar vonuðust til þess að nýta sér þennan skriðþunga, en voru fljótlega slegnir niður aftur er Gorka Guruzeta setti boltann í netið með flottu skoti.
Sigur Athletic Bilbao staðreynd og missti Real Madrid af dauðafæri til þess að minnka forystu Börsunga niður í eitt stig. Í staðinn er Real Madrid í 2. sæti með 33 stig og áfram fjórum stigum frá toppnum en Bilbao í 4. sæti með 29 stig.
Stöðutaflan
Spánn
La Liga - karlar
Spánn
La Liga - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Barcelona | 30 | 25 | 1 | 4 | 80 | 29 | +51 | 76 |
| 2 | Real Madrid | 30 | 22 | 3 | 5 | 64 | 28 | +36 | 69 |
| 3 | Villarreal | 29 | 18 | 4 | 7 | 54 | 34 | +20 | 58 |
| 4 | Atletico Madrid | 30 | 17 | 6 | 7 | 50 | 30 | +20 | 57 |
| 5 | Betis | 30 | 11 | 12 | 7 | 44 | 37 | +7 | 45 |
| 6 | Celta | 30 | 11 | 11 | 8 | 44 | 37 | +7 | 44 |
| 7 | Real Sociedad | 30 | 11 | 8 | 11 | 46 | 45 | +1 | 41 |
| 8 | Getafe | 30 | 12 | 5 | 13 | 27 | 31 | -4 | 41 |
| 9 | Osasuna | 30 | 10 | 8 | 12 | 36 | 37 | -1 | 38 |
| 10 | Espanyol | 30 | 10 | 8 | 12 | 36 | 44 | -8 | 38 |
| 11 | Athletic | 30 | 11 | 5 | 14 | 32 | 43 | -11 | 38 |
| 12 | Vallecano | 30 | 8 | 11 | 11 | 29 | 35 | -6 | 35 |
| 13 | Valencia | 30 | 9 | 8 | 13 | 34 | 45 | -11 | 35 |
| 14 | Girona | 29 | 8 | 10 | 11 | 31 | 44 | -13 | 34 |
| 15 | Alaves | 30 | 8 | 8 | 14 | 32 | 43 | -11 | 32 |
| 16 | Mallorca | 30 | 8 | 7 | 15 | 36 | 48 | -12 | 31 |
| 17 | Sevilla | 30 | 8 | 7 | 15 | 37 | 50 | -13 | 31 |
| 18 | Elche | 30 | 6 | 11 | 13 | 38 | 47 | -9 | 29 |
| 19 | Levante | 30 | 6 | 8 | 16 | 34 | 50 | -16 | 26 |
| 20 | Oviedo | 30 | 5 | 9 | 16 | 21 | 48 | -27 | 24 |
