Víðir Sig: Fjórir náðu sama áfanga og merkileg stigasöfnun Þórs. Missir KR af metinu?

Már Ægisson úr Fram, Örvar Logi Örvarsson úr Stjörnunni, Adolf Daði Birgisson úr FH og Aron Sigurðarson úr KR náðu allir sama áfanganum í 17. umferð Bestu deildar karla sem lauk með leik FH og KR í Kaplakrika í kvöld.

Þó Þórsarar séu í fallsæti deildarinnar hafa þeir fengið langflest stig af liðunum sem eru í fimmta til tólfta sæti þegar þau hafa spilað gegn fjórum efstu liðum deildarinnar. Á sama tíma hafa tvö lið sem ekki eru í fallsæti tapað öllum sínum leikjum gegn sömu fjórum liðum. Hvernig lítur stigataflan út þegar þessir leikir eru hafðir til hliðsjónar?

KR-ingar náðu aðeins að skora eitt mark gegn FH í kvöld og þurfa þar af leiðandi að skora minnst þrjú mörk gegn Fram á mánudaginn til að jafna eða slá markamet.

Keflvíkingar eru í góðri stöðu og gætu með þessu áframhaldi átt sitt besta tímabil í átján ár.

Úrslitin í 17. umferð:
ÍBV - Fram 1-2
ÍA - Víkingur 2-2
Valur - Stjarnan 2-3
Þór - Breiðablik 1-0
Keflavík - KA 3-0
FH - KR 1-1

Staðan: Víkingur 44, Fram 37, KR 36, Breiðablik 29, Keflavík 22, Valur 19, ÍA 19, Stjarnan 18, ÍBV 16, KA 15, Þór 15, FH 14.