Real Valladolid vann fyrsta leik sinn á tímabilinu í La Liga er liðið marði Almería, 1-0, á heimavelli í kvöld.

Valladolid hafði tapað tveimur og gert eitt jafntefli fyrir leikinn í kvöld á meðan Almería hafði unnið einn, gert eitt jafntefli og tapað einum.

Sigurmark Valladolid kom á 90. mínútu leiksins en það var Shon Weissman sem gerði það.

Kike Perez átti lúmska sendingu inn í teiginn, boltinn fór af varnarmanni og þaðan til Weissman sem potaði boltanum framhjá markverði Almería og í netið.

Valladolid og Almería eru nú jöfn að stigum eða með 4 talsins en Almería er með betri markatölu. Almería er í 13. sæti og Valladolid í 16. sæti.