Andri Rúnar skoraði þrennu og Balde fékk rautt.
Davíð Smári Lamude þjálfari Vestra.
Fram 2 - 4 Vestri
0-1 Andri Rúnar Bjarnason ('21 )
1-1 Alex Freyr Elísson ('33 )
1-2 Benedikt V. Warén ('44 )
1-3 Andri Rúnar Bjarnason ('45 )
1-4 Andri Rúnar Bjarnason ('54 )
2-4 Kennie Chopart ('67 )
Rautt spjald: Ibrahima Balde, Vestri ('73)
Lestu um leikinn
0-1 Andri Rúnar Bjarnason ('21 )
1-1 Alex Freyr Elísson ('33 )
1-2 Benedikt V. Warén ('44 )
1-3 Andri Rúnar Bjarnason ('45 )
1-4 Andri Rúnar Bjarnason ('54 )
2-4 Kennie Chopart ('67 )
Rautt spjald: Ibrahima Balde, Vestri ('73)
Lestu um leikinn
Vestri vann gríðarlega mikilvægan sigur gegn Fram í fyrsta leik 3. umferðar úrslitakeppni Bestu deildarinnar í vægast sagt tíðindamiklum fótboltaleik í Úlfarsárdal. Vestri steig stórt skref í að halda sæti sínu í deild þeirra bestu.
Andri Rúnar Bjarnason hefur verið magnaður í úrslitakeppninni og skorað í öllum þremur leikjunum. Í dag skilaði hann þrennu og stoðsendingu.
Það stefndi í jafna stöðu í hálfleik en tvö mörk í lok fyrri hálfleiksins frá Vestra kom liðinu í vænlega stöðu og liðið var 3-1 yfir í hálfleik. Þriðja mark Vestra skoraði Andri Rúnar og það var virkilega skemmtilegt.
„Andri Rúnar fær sendingu inn fyrir vörnina úr vinstra hálfsvæðinu. Hann rétt svo nær boltanum áður en hann fer út fyrir endamörkin og stendur við vítateiginn. Hann ákveður síðan bara að lyfta boltanum yfir Óla. Vægast sagt sturlað mark," skrifaði Sævar Þór Sveinsson fréttamaður Fótbolta.net í textalýsingu sinni frá leiknum.
Andri innsiglaði þrennu sína á 54. mínútu en Kennie Chopart minnkaði muninn fyrir Fram með geggjuðu aukaspyrnumarki, boltinn endaði alveg við samskeytin. Staðan 2-4. Á 74. mínútu missti Vestri mann af velli með rautt spjald.
„Ibrahima slær eitthvað til Magnúsar þegar aukaspyrnan er tekin. Framarar eru látnir endurtaka aukaspyrnuna. Veit ekki af hverju það er ekki bara hreinlega dæmd vítaspyrna á þetta," skrifaði Sævar.
Fram náði ekki að nýta sér liðsmuninn til að skora fleiri mörk en liðið hefur fengið ellefu mörk á sig í síðustu tveimur leikjum. Hrikalega dýrmætur sigur Vestra. Þessi úrslit gera það að verkum að Fylkir mun falla úr deildinni annað kvöld ef liðið vinnur ekki HK.
Athugasemdir
