U21 liðið ekki enn farið til Færeyja - Frestun á flugi dagsins

„Við vitum ekkert eins og staðan er akkúrat núna. Staðan er ekkert skárri veðurfarslega séð held ég. En það verður bara að koma í ljós hvað þessir snillingar geta gert," sagði Lúðvík Gunnarsson, þjálfari U21 landsliðsins, við Vísi í gær.

Framundan er gríðarlega mikilvægur leikur við Færeyja um annað sæti riðilsins en hann á að fara fram á morgun.

Ísland þarf að vinna Færeyjar og treysta á að Sviss nái ekki að vinna Frakkland. Gangi það eftir tryggir Ísland sér sæti í umspilið og færist því nær því að komast á Evrópumótið í þriðja sinn í sögunni. Færeyjar eiga ekki lengur möguleika í riðlinum.