„Mér fannst við góðir á ákveðnum augnablikum," sagði James Milner, fyrirliði Liverpool í kvöld, er liðið lagði belgíska liðið Genk að velli í Meistaradeildinni.
Leikurinn endaði með 2-1 sigri Liverpool. Alex Oxlade-Chamberlain skoraði sigurmarkið snemma í seinni hálfleik.
Leikurinn endaði með 2-1 sigri Liverpool. Alex Oxlade-Chamberlain skoraði sigurmarkið snemma í seinni hálfleik.
„Þetta hefði getað verið mikið þægilegra, en þeir gerðu okkur erfitt fyrir. Ég er bara ánægður að við skyldum ná í góð úrslit."
„Allir leikir eru erfiðir í Meistaradeildinni. Það er leiðinlegt að segja þetta, en það er satt. Við verðum að klára okkar. Við erum núna í góðri stöðu."
Liverpool er á toppnum í E-riðli með níu stig eftir fjóra leiki.
Athugasemdir
