Mætti í treyju erkifjenda á æfingu - Vill fara til Grikklands

Didier Lamkel Zé, kantmaður Royal Antwerp í Belgíu vakti mikla athygli þegar hann mætti á æfingu hjá liðinu í morgun.

Gríska stórliðið Panathinaikos hefur átt í viðræðum við Antwerp um kaup á Lamkel Zé en viðræðurnar hafa gengið hægt.

Til að þrýsta á félagaskiptin ákvað Lamkel Zé að mæta á æfingu í morgun þar sem hann er í treyju frá erkifjendu Antwerp í Anderlecht.

Þetta vakti litla lukku hjá Royal Antwerp en öryggisverðir meinuðu Lamkel Zé aðgang að æfingasvæðinu.