Championship: Nýliðarnir komnir á skrið eftir erfiða byrjun

Lincoln byrjaði tímabilið illa og tapaði fyrstu tveimur leikjunum en hefur síðan rifið sig hressilega í gang.

Liðið vann nýliðaslaginn gegn Bolton 29. ágúst og gerði síðan jafntefli í næstu tveimur leikjum. Í síðustu umferð vann Lincoln Preston og hélt góðu skriði sínu áfram í kvöld með 1-0 sigri á Bristol City.

Freddie Draper skoraði eina mark leiksins á 53. mínútu og tryggði Lincoln stigin þrjú.

Lincoln er komið upp í 8. sæti með ellefu stig en Bristol City er í 13. sæti með tíu.

Middlesbrough átti á meðan frábæra endurkomu í 2-2 jafntefli gegn Millwall á Riverside-leikvanginum.

Tairyk Arconte og Lyndon Dykes komu Millwall í 2-0 forystu í fyrri hálfleik en Boro svaraði af krafti eftir hlé. Amario Cozier-Duberry og Will Lankshear skoruðu með ellefu mínútna millibili í upphafi síðari hálfleiks og jöfnuðu metin.

Middlesbrough er í 3. sæti með 14 stig en Millwall í 11. sæti með tíu.

Bristol City 0 - 1 Lincoln City
0-1 Freddie Draper ('53 )

Middlesbrough 2 - 2 Millwall
0-1 Tairyk Arconte ('11 )
0-2 Lyndon Dykes ('36 )
1-2 Amario Cozier-Duberry ('50 )
2-2 Will Lankshear ('61 )