Championship: Watford upp í annað sætið

Fyrsti leikur dagsins í ensku Championship deildinni var viðureign Watford og Nottingham Forest.

Gestirnir eru um miðja deild á meðan Watford er að berjast um sæti í deild þeirra bestu á næsta tímabili.

Þeir gulklæddu komust yfir á sautjándu mínútu leiksins en þá skoraði Adam Masina. Þetta mark frá Masina reyndist vera eina mark leiksins og því þrjú risa stór stig í höfn hjá Watford.

Liðið er nú komið í annað sæti deildarinnar, tímabundið. Watford er með 66 stig eftir 35 leiki en Brentford situr í þriðja sæti deildarinnar með 63 stig en á einn leik til góða.

Nottingham Forest er í sextánda sætinu.