Lukaku og Conte fagna saman.
Romelu Lukaku og Antonio Conte funda í dag þar sem reynt verður að ná sáttum eftir að belgíski framherjinn var settur út í kuldann hjá Napoli í rúman mánuð.
Í landsleikjahléinu í mars neitaði Lukaku að snúa aftur til félagsins og var áfram í Belgíu án samþykkis Napoli. Í kjölfarið var hann sektaður og fékk ekki að æfa með liðinu.
Í landsleikjahléinu í mars neitaði Lukaku að snúa aftur til félagsins og var áfram í Belgíu án samþykkis Napoli. Í kjölfarið var hann sektaður og fékk ekki að æfa með liðinu.
Síðan þá hefur Lukaku verið einn í endurhæfingu í Antwerpen í heimalandinu en hann hefur aðeins spilað 64 mínútur á tímabilinu vegna mikilla meiðsla.
Federico Pastorello, umboðsmaður Lukaku, staðfesti að framherjinn muni æfa með liðsfélögum sínum í dag og hitta Conte sem mun svo taka ákvörðun um framhaldið.
Samningur Lukaku við Napoli gildir til sumarsins 2027.
