Padova er eitt besta lið C-deildarinnar á Ítalíu og eftir 1-0 sigur í dag situr liðið í öðru sæti deildarinnar.

Aðeins Sudtirol hefur gert betur á tímabilinu og er með 47 stig á toppnum. Padova á leik til góða og er með betri markatölu.

Emil fékk ekki mikið að spila í dag en hann kom inná fyrir mann að nafni Ronaldo þegar fimm mínútur voru eftir.

Ronaldo kemur frá Brasilíu og hefur spilað með Padova undanfarið ár en var áður hjá Novara, Salernitana og Empoli svo eitthvað sé nefnt.

Eina mark leiksins kom eftir 19 mínútur en það gerði Cosimo Chirico fyrir heimaliðið í sigrinum.