Unglingalandsliðsmaðurinn Hilmir Rafn Mikaelsson skoraði tvö mörk í 3-2 tapi Venezia gegn Ascoli er liðin mættust í ítalska bikarnum en liðið er úr leik þrátt fyrir magnaða frammistöðu hans.
Hilmir Rafn er á láni hjá Venezia frá Fjölni en hann kom af bekknum í dag. Bjarki Steinn Bjarkason var í byrjunarliði Venezia en fór ar velli á 65. mínútu. Kristófer Jónsson kom einnig af bekknum á sama tíma og Hilmir eða á 57. mínútu.
Venezia var tveimur mörkum undir þegar lítið var eftir en Hilmir gerði fyrsta mark sitt á 88. mínútu er hann fékk boltann fyrir framan mark Ascoli og kláraði af mikilli yfirvegun.
Innan við mínútu síðar jafnaði hann metin og var að tryggja Venezia í mögulega framlengingu. Ascoli tókst hins vegar að skora sigurmark í uppbótartíma en engu að síður frábær frammistaða hjá íslenska leikmanninum. Bæði mörk hans má sjá hér fyrir neðan.
Sjáðu fyrra mark Hilmis
Sjáðu síðara markið hér
Athugasemdir