Juventus hefur gríðarlega mikinn áhuga á brasilíska kantmanninum Wenderson Galeno, sem er 26 ára gamall og með fjögur ár eftir af samningi við portúgalska stórveldið FC Porto.
Galeno hefur farið gríðarlega vel af stað á nýju tímabili og skoraði hann tvennu í úrslitaleik portúgalska ofurbikarsins á dögunum.
Á síðustu leiktíð kom þessi knái kantmaður að 38 mörkum í 48 leikjum með Porto, en hann á aðeins einn A-landsleik að baki fyrir Brasilíu og var ekki valinn í landsliðshópinn fyrir Copa América.
Juve er búið að ræða við umboðsteymi Galeno og hefur sett sig í samband við Porto, sem vill fá um 40 milljónir evra fyrir leikmanninn.
Athugasemdir
