Kveður Bruno - „Hann vildi fara til Arsenal“

„Það eru vonbrigði að sjá á eftir honum en hegðun Bruno var öll til fyrirmyndar, hann opnaði sig og var tilfinningaríkur. Hann sagði okkur hreint út að hann vildi breyta til og skipta um lið," segir Wilson.

„Það eitt gerir það ekki að verkum að hann geti farið en spilaði klárlega hlut í því hvernig við hugsuðum þetta. Það var ekki í áætlunum okkar eða hugsunum að hann myndi fara en við verðum að vera fljótir að bregðast við þegar eitthvað gerist."

Newcastle hefur misst marga lykilmenn. Sandro Tonali og Anthony Gordon fóru til Tottenham og Barcelona og Alexander Isak til Liverpool í fyrrasumar. Þjóðverjinn Matthias Jaissle tók þá nýlega við Newcastle eftir að Eddie Howe hætti.

Jaissle segir að ákvörðunin um Bruno hafi verið tekin áður en hann tók við. „Ég hitti hann aðeins en þá hafði þegar verið tekin ákvörðun. Við áttum gott spjall og hann er viðkunnalegur náungi. Hann er að fara í nýja áskorun og við þurfum að takast á við það," sagði Jaissle í vikunni.