Niko heill heilsu
Gylfi Sig
Nikolaj Hansen
Gylfi Þór Sigurðsson mun æfa í dag og gæti spilað gegn Breiðabliki í opnunarleik Bestu deildarinnar á föstudag. Gylfi fór af velli gegn Fram í Mjólkurbikarnum síðasta laugardag.
Sölvi Geir Ottesen, þjálfari Víkings, ræddi við Fótbolta.net á kynningarfundi Bestu deildarinnar í dag.
Sölvi Geir Ottesen, þjálfari Víkings, ræddi við Fótbolta.net á kynningarfundi Bestu deildarinnar í dag.
„Gylfi ætlar að reyna æfa í dag, fulla æfingu. Við þurfum að sjá til hvernig hann kemur út úr henni," segir Sölvi.
Nikolaj Hansen, framherji Víkings, var ekki í hópnum gegn Fram. „Niko er búinn að vera æfa vel og er í lagi. Við hefðum getað 'pushað' Niko í síðasta leik en fannst það óþarfi. Við erum með sterkan og góðan hóp og leikmenn í hverri stöðu sem eru tilbúnir að hoppa inn. Elías (Már Ómarsson) gerði það mjög vel í síðasta leik."
„Það eru allir aðrir klárir nema Daði Berg (Jónsson), það er töluverður tími í hann. Annars eru allir klárir á æfinguna á eftir. Það eru nokkrir leikmenn sem við þurfum að sjá til með hvernig þeir koma út úr æfingunni," segir Sölvi. Viðtalið í heild verður birt á síðunni seinna í dag.
