Fleiri þekktar stærðir skiptu í KFG (Staðfest)

Elís Rafn Björnsson (1992), fyrrum leikmaður Fylkis og Stjörnunnar, skipti í KFG og þá kemur Jón Hrafn Barkarson á láni frá Stjörnunni. Elís Rafn á samkvæmt Transfermarkt 138 leiki í efstu deild. Jón Hrafn er kantmaður, fæddur 2003, en nær ekki að spila allt sumarið á Íslandi vegna náms.

Þá skipti Bjarki Arnaldarson til félagsins frá Leikni en hann var varamarkvörður Fram á síðasta tímabili.

Anton Ari Bjarkason kom frá Fram, Hlynur Már Friðriksson kom frá Kormáki/Hvöt, Aron Bjarni Arnórsson kom frá Gróttu og þeir Guðmundur Thor Ingason, Aron Freyr Heimisson og Már Hallgrímsson komu frá Stjörnunni.

KFG tekur á móti Þrótti Vogum í 2. umferð 2. deildar á morgun.