Jökull Elísabetarson.
Stjarnan tapaði 3-2 gegn KR á Samsungvellinum í Garðabæ fyrr í kvöld. Stjarnan var með tveggja marka forystu í hálfleik en KR sneri taflinu við í síðari hálfleik.
Stjarnan hefur nú tapað fjórum leikjum í röð og er aðeins með sex stig eftir fyrstu sex umferðirnar í Bestu deildinni.
Fótbolti.net ræddi við Jökul Elísabetarson, þjálfara Stjörnunnar, eftir leikinn í kvöld.
Stjarnan hefur nú tapað fjórum leikjum í röð og er aðeins með sex stig eftir fyrstu sex umferðirnar í Bestu deildinni.
Fótbolti.net ræddi við Jökul Elísabetarson, þjálfara Stjörnunnar, eftir leikinn í kvöld.
Lestu um leikinn: Stjarnan 2 - 3 KR
„Svekkjandi að fá ekkert út úr þessum leik. Mér fannst við betri en í síðasta leik og hægt að lifa með þessari frammistöðu mun betur en þeirri síðustu. Mér fannst menn leggja mikið á sig, auðvitað súrt að hleypa þremur mörkum á sig í seinni hálfleik.“
Tapað fjórum í röð
Finnst þér þú vera undir pressu?
„Nei, ég finn það ekki. Ég er auðvitað svekktur fyrir hönd liðsins að það sé ekki að fá meira út úr þessu. Við erum með miklar væntingar til okkar og liðsins og ég til mín. Við erum ekkert að pæla í öðru. Ég átta mig alveg á að það er pressa og þetta er gott lið. Það er ekkert sem ég finn fyrir öðruvísi en ég vil að við gerum betur og vil ná því út úr liðinu sem við trúum að sé þarna.“
