Ísak hafði betur gegn Orra - Hákon skoraði

Skagamaðurinn lék fyrstu 45 mínúturnar fyrir Lille og þurfti aðeins fimm mínútur til að komast á blað.

Leikurinn er spilaður í þremur 45 mínútna köflum. Þegar þetta er skrifað eru um tuttugu mínútur eftir og staðan 1-1.

Ísak Bergmann Jóhannesson var í byrjunarliði Koln sem vann 2-1 sigur á Real Sociedad. Orri Steinn Óskarsson byrjaði hjá spænska liðinu.

Kolbeinn Birgir Finnsson var í liði Valerenga sem tapaði 2-1 fyrir Bodo/Glimt í norsku úrvalsdeildinni. Valerenga er í níunda sæti með 20 stig.

Hólmbert Aron Friðjónsson var fremstur í liði Gwangju sem gerði markalaust jafntefli við Bucheon FC í suðurkóresku úrvalsdeildinni.

Gwangju situr áfram á botninum en er nú komið með ellefu stig.

Ólafur Hjaltason kom þá inn af bekknum hjá Aarhus Fremad í 3-1 sigri á Koge. Aarhus er á toppi dönsku B-deildarinnar með sex stig eftir þrjá leiki.