Hvað er í húfi í baráttunni um annað sætið?

Bæði annað og þriðja sæti tryggja þátttökurétt í undankeppni Sambandsdeildar Evrópu næsta sumar. Munurinn felst hins vegar í því hvenær liðin hefja leik.

Liðið sem hafnar í öðru sæti situr hjá í fyrstu umferð undankeppninnar og hefur því leik í annarri umferð. Fyrir vikið minnkar leikjaálagið og félagið sparar sér aurinn í ferðakostnað.

Liðið sem endar í þriðja sæti þarf aftur á móti að hefja keppni í fyrstu umferð og á því lengri leið fyrir höndum ætli það sér að komast í deildarkeppni Sambandsdeildarinnar.

Verðlaunaféð er hins vegar ekki hærra fyrir það eitt að enda í öðru sæti heldur fara greiðslurnar eftir því hvenær lið detta út úr Evrópukeppninni, ekki eftir leiðinni.

Valur hafnaði í 2. sæti deildarinnar á síðasta tímabili og hóf því leika í 2. umferð í forkeppninni í ár. Þá endaði Stjarnan í 3. sæti í fyrra og lék liðið við Víking frá Götu í fyrstu umferð forkeppninnar.