þri 09. febrúar 2021 22:38
Guðmundur Aðalsteinn Ásgeirsson
Moyes: Áttum skilið að fara með þetta í vítaspyrnukeppni
David Moyes.
David Moyes.
Mynd: Getty Images
David Moyes mætti á sinn gamla heimavöll í kvöld þegar hann stýrði West Ham gegn Manchester United á Old Trafford í enska bikarnum.

West Ham varðist vel í leiknum sem fór alla leið í framlengingunni. Þar náði Man Utd að koma inn sigurmarki.

„Það er erfitt að sætta sig við þetta því leikmennirnir stóðu sig frábærlega," sagði Moyes eftir leikinn en West Ham átti aðeins þrjár marktilraunir í leiknum og fór engin þeirra á markið.

„Við misstum nokkra leikmenn út af í leiknum og það var erfitt. Mér fannst við ekki eiga skilið að tapa leiknum; við áttum skilið að fara með þetta í vítaspyrnukeppni."

„Við spiluðum ekki vel í fyrri hálfleiknum - við vitum það - en við vorum að spila gegn góðu liði sem hefur verið á flottu skriði. Í framlengingunni fengum við eitt eða tvö tækifæri. Þegar ég hugsa um þennan leik, þá mun ég ekki hugsa um markið sem við fengum á okkur, ég mun hugsa um hversu vel við spiluðum."
Athugasemdir
banner
banner
banner