„Það endaði með því að ég vildi fara í Víking um leið og ég heyrði af því að þeir vildu fá mig.“
Ármann lék á láni með Grindavík síðasta sumar.
Ármanni Ingi Finnbogason gekk í raðir Víkings í síðustu viku og skrifaði hann undir fjögurra ára samning við Íslandsmeistarana. Hann var keyptur frá uppeldisfélaginu ÍA en hann lék á láni hjá Grindavík á síðasta tímabili.
Ármann er örvfættur hægri kantmaður sem fæddur er árið 2004 og kom með beinum hætti að níu mörkum í Lengjudeildinni og Mjólkurbikarnum á síðasta tímabili.
Hann spilaði tæpar þrjátíu mínútur með Víkingum á laugardaginn er liðið gerði jafntefli við Njarðvík. Fótbolti.net ræddi við Ármann félagaskiptin rétt fyrir helgi.
Ármann er örvfættur hægri kantmaður sem fæddur er árið 2004 og kom með beinum hætti að níu mörkum í Lengjudeildinni og Mjólkurbikarnum á síðasta tímabili.
Hann spilaði tæpar þrjátíu mínútur með Víkingum á laugardaginn er liðið gerði jafntefli við Njarðvík. Fótbolti.net ræddi við Ármann félagaskiptin rétt fyrir helgi.
„Ég heyrði af áhuga frá Víkingi fyrir um mánuði síðan. Þú ert ekki að fara segja nei þegar Víkingur vill fá þig. Það endaði svoleiðis að ég vildi fara í Víking um leið og ég heyrði af því að þeir vildu fá mig.“
Var erfið ákvörðun að fara frá uppeldisfélaginu?
„Jú ég myndi segja það. Mér fannst eins og ég hafði ekki fengið tækifærin sem ég átti skilið síðustu þrjú árin hjá ÍA. Það gerði ákvörðunina aðeins auðveldari að fara frá ÍA í stærsta lið á Íslandi.“
Áttir þú í viðræðum við önnur lið?
„Ég ræddi við Njarðvík í desember, en mig langaði til að spila í Bestu deildinni.“
Greint hefur verið frá því að Ármann verði mögulega lánaður til Þórs út komandi tímabil. Kári Árnason, yfirmaður fótboltamála hjá Víkingi, segir stöðuna metna á komandi vikum.
Ármann var spurður hvort að eitthvað hefði verið rætt við sig um mögulega lánsdvöl: „Nei, ekkert þannig. Ég er bara að æfa núna með Víkingi og síðan sjáum við framhaldið. Ég er bara í Víkinni núna.“
Viðtalið má sjá í heild sinni í spilaranum hér að ofan.
