Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   fim 09. apríl 2020 10:06
Sæbjörn Þór Þórbergsson Steinke
Leikmenn geti farið frítt ef þeir eru neyddir í launalækkun
Toby Alderweireld á Laugardalsvelli.
Toby Alderweireld á Laugardalsvelli.
Mynd: Fótbolti.net - Hafliði Breiðfjörð
Umboðsmaður Toby Alderweireld, leikmanns Tottenham, segir að leikmenn hafi rétt á því að segja upp samningi sínum ef þeir eru neyddir í að taka á sig launalækkun.

Leikmenn hafa verið settir undir pressu að undanförnu vegna heimsfaraldursins að taka á sig launalækkun en Stijn Francis segir leikmenn í fullum rétti ef félög neyði þá í launalækkun.

Rætt hefur verið um 30% lækkun á launum leikmanna og í morgun varð Southampton fyrsta félagið í úrvalsdeildinni til að ná samkomulagi um launalækkun.

Francis segir að félög eigi ekki að neyða leikmenn í lækkunir nema ef félagið þurfi þess nauðsynlega til að lifa af.

„Ef félög semja við leikmann þá taka þau áhættu með því að greiða fyrir félagaskipti eða fyrir undirskriftina auk launa leikmannsins," skrifar Francis hjá The Guardian.

„Í skiptum fyrir þessa áhættu geta leikmenn ekki yfirgefið félagið fyrir lok samningsins nema með samkomulagi allra sem koma að samningnum. Leikmenn vita einnig að á meðan samningurinn er í gildi þá eiga þeir að fá greitt frá sínum vinnuveitanda."

„Að biðja leikmann um að taka á sig launalækkun fer gegn þessari reglu vinnuveitanda."

„Ef félög krefjast þess að leikmaður taki á sig launalækkun ætti leikmaðurinn að vera í stöðu almenns verkamanns."

„Félög sem lækka laun leikmanna eiga að samþykkja þá staðreynd að leikmenn geti þá sagt upp samningi sínum, sér án kostnaðar, og félög eigi þar með ekki að geta beðið um gjald fyrir félagaskipti leikmannsins."

Athugasemdir
banner
banner
banner
banner