Ryan Gravenberch
Gravenberch hrósaði Ngumoha
Hollenski miðjumaðurinn Ryan Gravenberch var ekki ánægður með viðbrögð stuðningsmanna félagsins við frammistöðunni í 1-1 jafnteflinu gegn Chelsea á Anfield í dag.
Gravenberch skoraði fyrir Liverpool snemma leiks, en það dugði ekki til.
Hollendingurinn var nokkuð ánægður með frammistöðuna, en segir leikmenn þó vonsvikna með að hafa ekki landað sigrinum.
„Já, auðvitað erum við vonsviknir því við þurfum að deila stigunum. Við vildum öll þrjú stigin en þeir eru augljóslega með mjög gott lið þannig mér fannst þeir alveg verðskulda stig.“
„Við sköpuðum færi og Szoboszlai átti nokkur þeirra. Ef við hefðum haft smá heppni með okkur þá hefðu þau farið í netið, en það fór því miður ekki þannig og erum við svolítið vonsviknir með það,“ sagði Gravenberch.
Stuðningsmenn Liverpool bauluðu á liðið í leikslok, enda orðnir verulega þreyttir á spilamennskunni sem það hefur verið að bjóða upp á.
„Ef ég á að vera hreinskilinn þá þurfum við þá með okkur í liði. Okei, við unnum ekki leikinn, en mér fannst við alla vega ekki eiga þetta skilið. Stuðningsmennirnir þurfa að standa við bakið á okkur allan leikinn því þegar þeir gerðu það í seinni hálfleiknum þá gekk pressan mjög vel. Við þurfum á þeim að halda og vonandi gera þeir þetta ekki í næstu tveimur leikjum.“
Einnig hrósaði hann hinum 17 ára gamla Rio Ngumoha sem hefur komið með ferska vinda inn í liðið. Gravenberch segir einnig mikilvægt fyrir Liverpool að klára tímabilið með sæmd.
„Það er ótrúlega gott. Hann er aðeins 17 ára gamall en við höfum öll séð hvernig hann spilar. Hann vill alltaf fara í einn á einn þegar hann er með boltann og er í raun bara algerlega stórkostlegur. Vonandi getur hann haldið áfram á sömu braut.“
„Tímabilið hefur ekki verið frábært, en það eru enn tveir leikir eftir og við verðum að vinna þá til að tryggja Meistaradeildarsætið,“ sagði Gravenberch.
Stöðutaflan
England
Premier league - karlar
England
Premier league - karlar
| L | U | J | T | ms: | mf: | mun | Stig | ||
|---|---|---|---|---|---|---|---|---|---|
| 1 | Arsenal | 38 | 26 | 7 | 5 | 71 | 27 | +44 | 85 |
| 2 | Man City | 38 | 23 | 9 | 6 | 77 | 35 | +42 | 78 |
| 3 | Man Utd | 38 | 20 | 11 | 7 | 69 | 50 | +19 | 71 |
| 4 | Aston Villa | 38 | 19 | 8 | 11 | 56 | 49 | +7 | 65 |
| 5 | Liverpool | 38 | 17 | 9 | 12 | 63 | 53 | +10 | 60 |
| 6 | Bournemouth | 38 | 13 | 18 | 7 | 58 | 54 | +4 | 57 |
| 7 | Sunderland | 38 | 14 | 12 | 12 | 42 | 48 | -6 | 54 |
| 8 | Brighton | 38 | 14 | 11 | 13 | 52 | 46 | +6 | 53 |
| 9 | Brentford | 38 | 14 | 11 | 13 | 55 | 52 | +3 | 53 |
| 10 | Chelsea | 38 | 14 | 10 | 14 | 58 | 52 | +6 | 52 |
| 11 | Fulham | 38 | 15 | 7 | 16 | 47 | 51 | -4 | 52 |
| 12 | Newcastle | 38 | 14 | 7 | 17 | 53 | 55 | -2 | 49 |
| 13 | Everton | 38 | 13 | 10 | 15 | 47 | 50 | -3 | 49 |
| 14 | Leeds | 38 | 11 | 14 | 13 | 49 | 56 | -7 | 47 |
| 15 | Crystal Palace | 38 | 11 | 12 | 15 | 41 | 51 | -10 | 45 |
| 16 | Nott. Forest | 38 | 11 | 11 | 16 | 48 | 51 | -3 | 44 |
| 17 | Tottenham | 38 | 10 | 11 | 17 | 48 | 57 | -9 | 41 |
| 18 | West Ham | 38 | 10 | 9 | 19 | 46 | 65 | -19 | 39 |
| 19 | Burnley | 38 | 4 | 10 | 24 | 38 | 75 | -37 | 22 |
| 20 | Wolves | 38 | 3 | 11 | 24 | 27 | 68 | -41 | 20 |
