09.08.24 - 07:00
Jóhann Þór Hólmgrímsson
De Gea búinn að semja við Fiorentina
Mynd: Getty Images
Mynd: Getty Images
David de Gea er á leið til Fiorentina en Fabrizio Romano greinir frá því að markmaðurinn hafi náð munnlegu samkomulagi við ítalska félagið.
Þessi 33 ára gamli spænski markvörður hefur verið án félags í rúmt ár eftir að hann yfirgaf Manchester United.
Romano segir að De Gea muni skrifa undir eins árs samning með möguleika á framlengingu um ár til viðbótar.
De Gea var orðaður við Genoa en Romano greindi frá því að hann hafi aldrei verið nálægt því að ganga til liðs við félagið.
