09.10.26 - 15:48
Guðmundur Aðalsteinn Ásgeirsson
Enginn áhugi á leiknum í Króatíu
Skrifar frá Pula í Króatíu
Frá Stadion Aldo Drosina í Pula.
Mynd: Fótbolti.net - Guðmundur Aðalsteinn Ásgeirsson
Frá Stadion Aldo Drosina í Pula.
Mynd: Fótbolti.net - Guðmundur Aðalsteinn Ásgeirsson
Núna klukkan 16:45 hefst leikur Króatíu og Íslands í umspilinu um sæti á HM. Þetta er fyrra einvígið af vonandi tveimur, en lið í umspilinu þurfa að komast í gegnum tvö einvígi til að komast inn á mótið.
Króatía er ekki með öflugt kvennalandslið í dag; þær lentu í öðru sæti í sínum riðli í C-deild undankeppninnar og sitja í 63. sæti heimslista FIFA, á milli Gana og Kamerún. Ísland er til samanburðar í 16. sæti listans.
Það er ekki mikil stemning eða mikill áhugi fyrir leik dagsins hér í Króatíu þar sem aðeins er búist við um 300 áhorfendum á leikinn. Stadion Aldo Drosina, leikvangurinn sem spilaður er á, tekur um 10 þúsund manns í sæti og verður því mjög tómlegur. Enginn Íslendingur verður á leiknum fyrir utan tvo fjölmiðlamenn, leikmenn og starfsfólk KSÍ.
Seinni leikurinn fer fram á Laugardalsvelli í næstu viku og það má búsat við talsvert fleiri áhorfendum í Reykjavík.
Það er ekki mikil stemning eða mikill áhugi fyrir leik dagsins hér í Króatíu þar sem aðeins er búist við um 300 áhorfendum á leikinn. Stadion Aldo Drosina, leikvangurinn sem spilaður er á, tekur um 10 þúsund manns í sæti og verður því mjög tómlegur. Enginn Íslendingur verður á leiknum fyrir utan tvo fjölmiðlamenn, leikmenn og starfsfólk KSÍ.
Seinni leikurinn fer fram á Laugardalsvelli í næstu viku og það má búsat við talsvert fleiri áhorfendum í Reykjavík.
