Spánn: Villarreal upp í þriðja sæti

Fyrrum Barcelona-maðurinn Ilias Akhomach tók forystuna fyrir Villarreal þegar lítið var eftir af fyrri hálfleiknum. Dani Parejo gerði annað markið úr vítaspyrnu tíu mínútum fyrir lok leiksins áður en Santi Comesana rak síðasta naglann í kistu Alaves.

Sigurinn fleytir Villarreal upp í þriðja sæti deildarinnar með 24 stig en þetta var annar deildarsigur liðsins í röð.

Leganes lagði þá Sevilla að velli, 1-0. Eina mark leiksins gerði Miguel de La Fuente úr vítaspyrnu á 82. mínútu.

Lucien Agoume braut á Seydouba Cisse í teignum og fékk rauða spjaldið fyrir og var það De La Fuente sem fór á punktinn og gerði sitt fyrsta mark á tímabilinu.

Leganes er í 14. sæti með 14 stig, einu stigi á eftir Sevilla sem er í 13. sæti.

Leganes 1 - 0 Sevilla
1-0 Miguel de la Fuente ('82 , víti)
Rautt spjald: Lucien Agoume, Sevilla ('80)

Villarreal 3 - 0 Alaves
1-0 Ilias Akhomach ('38 )
2-0 Dani Parejo ('81 , víti)
3-0 Santi Comesana ('90 )