fös 10. júlí 2020 13:44
Elvar Geir Magnússon
Aguero ekki með gegn Real - Guardiola sannfærður um að bann City muni ekki standa
Aguero getur ekki verið með gegn Real.
Aguero getur ekki verið með gegn Real.
Mynd: Getty Images
Pep Guardiola, stjóri Manchester City, hefur staðfest að Sergio Aguero muni ekki vera með gegn Real Madrid í 16-liða úrslitum Meistaradeildarinnar í byrjun ágúst vegna meiðsla í hné.

Guardiola vill ekki horfa lengra en það en City vann fyrri leikinn á Spáni 2-1.

Ef City nær að klára dæmið mun liðið leika gegn Juventus eða Lyon í 8-liða úrslitum.

Á mánudaginn mun það koma í ljós hvort tveggja ára bann Manchester City frá Evrópukeppnum muni standa.

Guardiola segist sannfærður um að bannið verði tekið til baka af CAS íþróttadómstólnum eftir að hafa fengið að sjá málsvörn félagsins.
Athugasemdir
banner
banner
banner