Tvær semja við KR

Hildur Björg er fædd 2001 og gerir samning sem gildir út tímabilið. Hún er uppalin í KR og á yfir 100 leiki að baki fyrir meistaraflokk, þar af þrjá í sumar.

Katrín Ásta, fædd 2005, er búin að gera tveggja ára samning en hún er yngri systir Þóreyjar Bjarkar Eyþórsdóttur sem kom til KR í fyrra.

Katrín er búin að spila sjö leiki með KR í Lengjudeildinni í sumar eftir að hafa leikið fyrir Fylki, Fram, FH, Hauka og ÍH á ferlinum. Hún leikur sem varnarmaður.