Kæmi mjög á óvart ef Fram fengi að njóta krafta hans næsta sumar

„Maður hefur spurt sig að því hvernig hann fellur svona undir radarinn. Maður veltir því fyrir sér hvort að gagnabankarnir og excel skjölin sigti hann út vegna þess að það vanti nokkra sentímetra,“ segir Stefán en hann býst þó við að hann fari erlendis í atvinnumennsku eftir tímabil.

„Ég yrði ofboðslega hissa að við Framarar fengju að njóta þess að vera með Frey í liðinu næsta sumar. Ég eiginlega trúi ekki að þessar tölur og gæði skili honum ekki út,“ segir Stefán.

Í uppáhaldi hjá stuðningsmönnum
Freyr er Hornfirðingur en hann gekk í raðir Fram fyrir tveimur árum þegar hann flutti á höfuðborgarsvæðið til að fara í skóla.

„Við sóttum hann ekki á sínum tíma. Hann kom suður í skóla. Um leið og það var keypt íbúð í Grafarholtinu spurði hann hvort hann mætti koma á æfingu,“ segir Stefán en stuðningsmenn kalla Frey gjarnan hinn hornfirska Messi.

„Hann verður fljótt 'fan favorite'. Lítill og rauðhærður - við höfum ekki átt almennilegan rauðhærðan leikmann síðan Daði Guðmundsson var í liðinu,“ sagði Stefán léttur að lokum.

mánudagur 10. ágúst
Besta karla
19:15 Fram-KR (Lambhagavöllurinn)