Breski fjölmiðillinn, Daily Mirror og ítalski miðillinn Tuttosport sögðu frá því í gærkvöldi að Manchester United sé komið með munnlegt samkomulag við Mario Mandzukic um að ganga í raðir félagsins frá Juventus í janúar.
Mandzukic var orðaður við Rauðu Djöflana í sumar en varð svo um kyrrt í Tóríno. Hann hefur ekki spilað leik á tímabilinu fyrir Ítalíumeistarana og er ekki í 25 manna Meistaradeildarhópi félagsins.
Hinn 33 ára króatíski framherji er sagður hafa neitað sjö milljón punda árslaunum frá Al-Rayyan í Katar til þess að halda áfram að spila í Evrópu.
Mandzukic hefur skorað 44 mörk í 162 leikjum fyrir Juventus. Hann vann Meistaradeildina með Bayern Munchen árið 2013.
Athugasemdir