HK hefur samið við miðjumanninn Rúrik Gunnarsson en hann kemur til félagsins frá KR.
Rúrik, sem er 19 ára gamall, spilaði tólf leiki með KR í Bestu deildinni í sumar.
Á síðasta ári spilaði hann fyrstu leiki sína með KR áður en hann var lánaður í Aftureldingu. Þar lék hann fimm leiki í Lengjudeildinni áður en hann snéri aftur í KR.
Miðjumaðurinn er nú genginn í raðir HK frá KR en hann samdi til 2027.
Rúrik á 12 landsleiki að baki með yngri landsliðum Íslands.
HK féll úr Bestu deildinni í haust en liðið hafnaði í næst neðsta sæti með 25 stig, eins og Vestri, en Ísfirðingar héldu sæti sínu með betri markatölu.
Athugasemdir
