Frá vinstri: Hrannar Bogi Jónsson, Jökull Elísabetarson og Halldór Árnason.
Stjarnan er með sex stig eftir fyrstu sex umferðirnar.
Stjarnan tapaði sínum fjórða leik í röð á föstudaginn þegar liðið missti niður tveggja marka forystu gegn KR og tapaði 3-2.
Pressan hefur því aukist töluvert á Jökli Elísabetarsyni, þjálfara Stjörnunnar. Liðin mætast aftur á miðvikudaginn í 16 liða úrslitum Mjólkurbikarsins.
Staða Jökuls og stjórastóllinn í Garðabæ voru til umræðu í útvarpsþættinum Fótbolta.net á laugardag.
Pressan hefur því aukist töluvert á Jökli Elísabetarsyni, þjálfara Stjörnunnar. Liðin mætast aftur á miðvikudaginn í 16 liða úrslitum Mjólkurbikarsins.
Staða Jökuls og stjórastóllinn í Garðabæ voru til umræðu í útvarpsþættinum Fótbolta.net á laugardag.
Mun KR-tvennan ráða örlögum Jökuls?
„Þær sögusagnir fóru af stað að þessi KR-tvenna myndi ráða örlögum Jökuls. Þeir tapa auðvitað þessum deildarleik, verður Jökull að slá út KR í bikarnum annars verða þjálfaraskipti í Garðabænum?“ Spurði Elvar Geir.
„Ég myndi segja það já. Þeir ætluðu að stefna á titilinn í ár, þeir eru tólf stigum frá efsta sætinu og hafa tapað fjórum leikjum í röð með þetta lið,“ sagði Valur Gunnarsson.
Enginn óhultur
Tómas Þór tók því næst til máls: „Þessi titilbarátta er nánast farin og mótið er varla byrjað. Þá þurfa menn að hugsa um Evrópu, því allt sem þeir leggja í þetta kostar peninga. Ef þú ætlar að vera með svona fótboltalið, verðuru að vera í Evrópu.“
„Það er ein breyta í þessu í viðbót: Er einhver annar (þjálfari laus)? Því miður er einn nýlegur Íslandsmeistari á Suðurlandsbraut 10. Sem er að sjálfsögðu Halldór Árnason. Á meðan hann vappar hér um göturnar er enginn óhultur.“
Besta karla
| Lið | L | U | J | T | Mörk | mun | Stig |
|---|---|---|---|---|---|---|---|
| 1. Víkingur R. | 10 | 9 | 1 | 0 | 34 - 6 | +28 | 28 |
| 2. KR | 10 | 8 | 1 | 1 | 38 - 23 | +15 | 25 |
| 3. Fram | 9 | 6 | 2 | 1 | 25 - 16 | +9 | 20 |
| 4. Breiðablik | 9 | 4 | 3 | 2 | 22 - 15 | +7 | 15 |
| 5. Valur | 10 | 5 | 0 | 5 | 19 - 22 | -3 | 15 |
| 6. ÍA | 9 | 3 | 3 | 3 | 12 - 16 | -4 | 12 |
| 7. Keflavík | 9 | 3 | 2 | 4 | 12 - 18 | -6 | 11 |
| 8. KA | 9 | 3 | 1 | 5 | 12 - 15 | -3 | 10 |
| 9. Stjarnan | 10 | 3 | 1 | 6 | 18 - 22 | -4 | 10 |
| 10. Þór | 9 | 2 | 0 | 7 | 7 - 23 | -16 | 6 |
| 11. ÍBV | 9 | 1 | 2 | 6 | 14 - 23 | -9 | 5 |
| 12. FH | 9 | 0 | 2 | 7 | 12 - 26 | -14 | 2 |
