Jonny, vængbakvörður Wolves, verður frá keppni í marga mánuði eftir að hafa meiðst illa á hné. Jonny skaddaði liðbönd í hné í 1-0 sigrinum á Olympiakos í Evrópudeildinni í síðustu viku.
Meiðslin þýða að Ruben Vinagre er eini leikmaðurinn í hópnum hjá Wolves í dag sem er vanur því að spila í stöðu vinstri vængbakvarðar.
Wolves hafði íhugað að selja Vinagre í sumar en því verður nú slegið á frest.
Úlfarnir mæta Sevilla í 8-liða úrslitum Evrópudeildarinnar í kvöld.
„Jonny er einn af okkur og við munum gera okkar besta til að vinna fyrir hann. Við viljum vinna fyrir stuðningsmennina en aðallega fyrir Jonny núna," sagði Ruben Neves, miðjumaður Wolves, fyrir leikinn í kvöld.
Athugasemdir
