Ítölsku fjölmiðlarnir Corriere dello Sport og Gazetta dello Sport segja frá því að belgíski sóknarmaðurinn Dries Mertens sé búinn að samþykkja að ganga í raðir Inter.

Samningur hans við Napoli rennur út næsta sumar og getur hann því farið á frjálsri sölu.

Sagt er að hann muni skrifa undir tveggja ára samning og fá fyrir það 6 milljónir evra á tímabili.

Staðan er ekki góð hjá Napoli í augnablikinu, en fréttir bárust af því í síðustu viku að félagið væri að lögsækja eigin leikmenn eftir að þeir neituðu að fara í æfingabúðir eftir jafntefli gegn RB Salzburg í Meistaradeildinni.

Aurelio De Laurentiis, forseti Napoli, vildi að leikmenn liðsins færu beint á æfingasvæðið, en leikmennirnir voru ósáttir við það. Talið er að Carlo Ancelotti hafi einnig verið á móti hugmyndinni.

Daily Mail segir að De Laurentiis hafi áður gefið það í skyn að hann vilji ekki halda Mertens hjá félaginu nema að Belginn taki á sig launalækkun.

Hinum 32 ára gamla Mertens er frjálst að ræða við önnur félög í janúar.

STUÐNINGSSVEIT
FÓTBOLTA.NET

Okkur er full alvara!

Umfjöllun síðustu daga hefur Fótbolti.net sýnt að við ætlum að bæta í umfjöllun um fótbolta.

Okkur er full alvara með það!

Gakktu í stuðningssveitina og hjálpaðu okkur að tryggja áframhaldandi öfluga umfjöllun um fótbolta.

STYRKJA

Tweet

Senda a Facebook Hafdu samband Senda frétt Prenta frétt Frétta leit