Það stefnir allt í það að franski framherjinn Oliver Giroud sem leikur með Chelsea sé á förum frá félaginu í janúar.
Giroud náði samkomulagi við Inter fyrir helgi en félögin eru enn í viðræðum um kaupverðið.
Talsverður munur var í fyrstu á verðinu sem Chelsea vildi fá fyrir hann og Inter var tilbúið til að borga en samkvæmt heimildum Sky Sports er nú góður gangur í viðræðunum.
Félögin vilja klára félagaskiptin sem fyrst, Lyon er einnig sagt áhugasamt um að fá þennan 33 ára gamla framherja í sínar raðir en eins og áður segir þá stefnir allt í að Giroud fari til Inter.
Athugasemdir