Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   mið 12. júní 2024 11:55
Sæbjörn Þór Þórbergsson Steinke
Emre Can kallaður inn í þýska hópinn
Pavlovic ekki með á EM.
Pavlovic ekki með á EM.
Mynd: Getty Images
Emre Can.
Emre Can.
Mynd: Getty Images
Julian Nagelsmann, þjálfari þýska landsliðsins, hefur þurft að gera breytingu á landsliðshópi sínum þar sem Aleksandar Pavlovic, miðjumaður Bayern Munchen, glímir við svæsna hálsbólgu.

Í stað Pavlovic hefur Nagelsmann kallað í Emre Can sem er fyrirliði Dortmund. Can er fyrrum leikmaður Liverpool og Juventus.

Can er þrítugur og á að baki 43 landsleiki, spilaði sex leiki með landsliðinu í fyrra.

Pavlovic er tvítugur og hefur verið hjá Bayern síðan 2011. Hann á að baki einn A-landsleik, lék sinn fyrsta landsleik gegn Úkraínu nýlega. Faðir hans er Serbi og er hann með tvöfalt ríkisfang.

Þýskaland heldur EM í sumar og hefur leik á föstudag þegar liðið mætir Skotlandi í A-riðli.
Athugasemdir
banner
banner
banner
banner