banner
   þri 12. október 2021 09:00
Elvar Geir Magnússon
Hazard gæti snúið aftur - Man Utd hefur áhuga á Ndidi
Powerade
Wilfred Ndidi er orðaður við Manchester United.
Wilfred Ndidi er orðaður við Manchester United.
Mynd: Getty Images
Lucien Favre er orðaður við Newcastle.
Lucien Favre er orðaður við Newcastle.
Mynd: Getty Images
Amad Diallo.
Amad Diallo.
Mynd: Getty Images
Hazard, Dembele, Ndidi, Lacazette, Ramsey, Wijnaldum, Diallo, Lingard og fleiri í slúðurpakkanum. BBC tók saman.

Chelsea hefur rætt við Real Madrid um möguleika á að kaupa Eden Hazard (30) til baka en spænska félagið vill fá enska bakvörðinn Reece James (21) í skiptum. (El Nacional)

Manchester United hefur áhuga á nígeríska miðjumanninum Wilfred Ndidi (24) frá Leicester. (Fichajes)

Liverpool fylgist grannt með stöðu mála hjá Ousmane Dembele (24) hjá Barcelona. Franski vængmaðurinn hefur ekki spilað síðan á EM alls staðar vegna hnémeiðsla en samningur hans rennur út næsta sumar. (Mundo Deportivo)

Lucien Favre (63), fyrrum stjóri Borussia Dortmund, og Frank Lampard (43), fyrrum stjóri Chelsea, eru þau tvö nöfn sem eigendur Newcastle eru að velta fyrir sér til að koma í stað Steve Bruce. (Telegraph)

Alexandre Lacazette (30) hefur ekki í hyggju að skrifa undir nýjan samning við Arsenal. Núgildandi samningur franska sóknarmannsins rennur út í lok tímabilsins. (Football.London)

Velski miðjumaðurinn Aaron Ramsey (30) hefur enn trú á því að hann geti fundið sig hjá Juventus en hann á eitt og hálft tímabil eftir af núgildandi samningi. (Times)

Hollenski miðjumaðurinn Georginio Wijnaldum (30) segist ekki vera fullkomlega ánægður hjá Paris St-Germain, aðeins fjórum mánuðum eftir að hann kom frá Liverpool. (Independent)

Hollenska félagið Feyenoord er að undirbúa tilboð í Fílabeinsstrendinginn Amad Diallo (19) hjá Manchester United. Meiðsli komu í veg fyrir að vængmaðurinn ungi færi á lánssamningi í sumar. (Sun)

Manchester United mun íhuga að selja enska sóknarmiðjumanninn Jesse Lingard (28) fyrir 15 milljónir punda í janúar ef hann gerir ekki nýjan samning á Old Trafford. Núgildandi samningur hans rennur út í sumar. (Sun)

Juventus hefur hafið viðræður við umboðsmann Donny van de Beek (24) og vonast til að geta fengið hollenska miðjumanninn í janúar. (La Stampa)

Juventus er einnig að undirbúa lánstilboð í Bernardo Silva (27), portúgalska miðjumanninn hjá Manchestr City. (Calciomercato)

Enski miðvörðurinn Ben Davies (26) hefur enn trú á því að hann eigi framtíð hjá Liverpool, þrátt fyrir að hafa ekki spilað síðan hann kom í febrúar og hafa farið á lán til Sheffield United. (Liverpool Echo)

Spænski markvörðurinn David Raya (26) segist vera ánægður hjá Brentford en Arsenal og Everton hafa sýnt honum áhuga. (Cadena Ser)
Athugasemdir
banner
banner
banner
banner
banner