Andri Lucas framlengir við Blackburn

Íslenski landsliðssóknarmaðurinn Andri Lucas Guðjohnsen, framherji Blackburn, hefur skrifað undir nýjan langtímasamning við félagið.

Andri Lucas kom til Blackburn frá belgíska félaginu Gent síðasta sumar og var sjóðandi heitur fyrir enska liðið milli október og desember þar sem hann skoraði sjö mörk í ellefu leikjum.

Hann meiddist svo og fór í ökklaaðgerð svo hann missti af síðasta hluta tímabilsins.

Andri Lucas hefur skorað 10 mörk í 39 landsleikjum fyrir Ísland.

„Ég er virkilega ánægður. Ég hef notið tíma míns hérna. Ég saknaði leikdagana og að æfa með strákunum meðan ég var meiddur. Ég er spenntur fyrir því að sýna meira af því hvað ég get gert," segir Andri Lucas, sem er 24 ára, og segist vera með það markmið að halda sér heilum á næsta tímabili og þá sé hann bjartsýnn á góðan fjölda marka og stoðsendinga.

Blackburn hafnaði í 20. sæti og náði að forðast fall úr Championship-deildinni.