Ólafur Ingi Skúlason þjálfari Breiðabliks
Breiðablik gerði góða ferð í laugardalinn í 32-liða úrslitum Mjólkurbikarsins og unnu Þrótt R. 2-1. Framan af var Þróttur betra liðið en þegar leið á leikinn átti Breiðablik sigurinn skilið.
Var eitthvað stress þegar Sigurður Egill minnkaði muninn í uppbótartíma?
„Já ég hefði nú alveg vilja sleppa þessu ef ég á að vera alveg heiðarlegur. En heilt yfir leið mér bara ágætlega. Mér fannst við vera góðir í fyrri hálfleik. Það tók okkur smá stund að ná taktinum og við hefðum mögulega átt að fara með meira en 1-0 í hálfleik. Svo náttúrulega breytist leikurinn þegar Viktor fær rautt. Mér fannst við tækla það mjög vel og bættum við marki."
Var eitthvað stress þegar Sigurður Egill minnkaði muninn í uppbótartíma?
„Já ég hefði nú alveg vilja sleppa þessu ef ég á að vera alveg heiðarlegur. En heilt yfir leið mér bara ágætlega. Mér fannst við vera góðir í fyrri hálfleik. Það tók okkur smá stund að ná taktinum og við hefðum mögulega átt að fara með meira en 1-0 í hálfleik. Svo náttúrulega breytist leikurinn þegar Viktor fær rautt. Mér fannst við tækla það mjög vel og bættum við marki."
Lestu um leikinn: Þróttur R. 1 - 2 Breiðablik
Stórt atvik átti sér stað á 55. mínútu leiks þegar Viktor Örn Margeirsson fékk að líta rauða spjaldið og það gerðist einungis einni mínútu eftir að Ívari Erni Árnasyni var skipt af velli.
Hvað hugsaði Óli þegar rauða spjaldið fór á loft?
„Það var svo sem ákveðið með Ívar, hann meiddist aðeins í fyrri hálfleik og við vorum búnir að ákveða að taka hann út af í kringum 50-55 mínútur. Auðvitað óheppilegt að þetta kom í kjölfarið en mér fannst við bara tækla þetta vel. Við lokuðum búðinni og hleyptum þeim ekki nálægt markinu okkar."
Ágúst Orri Þorsteinsson sem er 21 árs gamall U-21 landsliðsmaður Íslands hefur verið eftirsóttur af liðum erlendis. Er möguleiki á því að hann fari frá Breiðablik í sumar?
„Já það er alveg klárt mál og möguleiki á því. Við vitum það alveg að það er mikill áhugi á honum. Hann er frábær leikmaður og hefur verið mjög góður í byrjun tímabils. Það er bara eitthvað sem verður að koma í ljós. Við erum mjög ánægðir að hafa Gústa og viljum halda honum eins lengi og hægt er."
