13.08.26 - 21:18
Sigurjón Árni Torfason
Drullusvekktur Kári: Dýr mistök
Auglýsing
Kári var eðlilega svekktur eftir tap í dag
Mynd: Fótbolti.net - Hafliði Breiðfjörð
Kári var eðlilega svekktur eftir tap í dag
Mynd: Fótbolti.net - Hafliði Breiðfjörð
Þróttur heimsótti Grindavík á Stakkavíkurvöllinn í dag í 18. umferð Lengjudeildar karla. Grindavík hafði betur, 2-1, í hörkuleik þar sem mikið gekk á. Þróttarar reyndu hvað þeir gátu að sækja jöfnunarmarkið undir lokin en allt kom fyrir ekki og stigin þrjú urðu eftir í Grindavík. Fótbolti.net var að sjálfsögðu á staðnum og heyrði í Kára að leik loknum.
Lestu um leikinn: Grindavík 2 - 1 Þróttur R.
„Bara drullusvekkjandi, náttúrulega bara hver leikur úrslitaleikur fyrir öll þessi lið þannig að það var mikið undir hérna í dag. Voðalega leiðinlegt að þetta féll ekki með okkur."
Þróttarar voru sterkari aðilinn megnið af leiknum og mættu mun kraftmeiri til leiks í seinni hálfleiknum. Sigurvin hefur greinilega haldið góða ræðu í hálfleik því Þróttarar komu af miklum krafti út úr klefanum. Þeir fengu vítaspyrnu áður en mínúta var liðin af síðari hálfleik og Kári steig á punktinn og skoraði af öryggi.
„Að reyna að keyra á þetta, nóg eftir, við erum búnir að fá færin, þannig vantaði bara að þetta myndi detta fyrir okkur í seinni. Það var frábært að ná markinu snemma, þá fékk maður góða tilfinningu og við vorum svo sem með þá þarna alveg fyrri partinn í seinni. Síðan var þetta einn seinni bolti sem klikkaði og þeir komnir í gegn, þannig að þetta eru bara dýr mistök sem gerðu það að verkum að við fórum með núll stig."
Þróttur fær Fylki í heimsókn í næstu umferð þar sem fram undan er algjör toppslagur og gríðarlega mikilvæg stig í húfi fyrir bæði lið.
„Við hljótum að mæta helvíti gíraðir bara. Erum búnir að tapa stigum í síðustu tveimur leikjum í röð þannig að núna er bara að snúa þessu við, sækja sigur, það þýðir ekkert annað."
Sagði Kári við Blaðamann Fótbolta.net eftir leik
Þróttarar voru sterkari aðilinn megnið af leiknum og mættu mun kraftmeiri til leiks í seinni hálfleiknum. Sigurvin hefur greinilega haldið góða ræðu í hálfleik því Þróttarar komu af miklum krafti út úr klefanum. Þeir fengu vítaspyrnu áður en mínúta var liðin af síðari hálfleik og Kári steig á punktinn og skoraði af öryggi.
„Að reyna að keyra á þetta, nóg eftir, við erum búnir að fá færin, þannig vantaði bara að þetta myndi detta fyrir okkur í seinni. Það var frábært að ná markinu snemma, þá fékk maður góða tilfinningu og við vorum svo sem með þá þarna alveg fyrri partinn í seinni. Síðan var þetta einn seinni bolti sem klikkaði og þeir komnir í gegn, þannig að þetta eru bara dýr mistök sem gerðu það að verkum að við fórum með núll stig."
Þróttur fær Fylki í heimsókn í næstu umferð þar sem fram undan er algjör toppslagur og gríðarlega mikilvæg stig í húfi fyrir bæði lið.
„Við hljótum að mæta helvíti gíraðir bara. Erum búnir að tapa stigum í síðustu tveimur leikjum í röð þannig að núna er bara að snúa þessu við, sækja sigur, það þýðir ekkert annað."
Sagði Kári við Blaðamann Fótbolta.net eftir leik
