Stuðningsmaður Stjörnunnar, Haukur Þorsteinsson, hljóp inn á völlinn og fagnaði sigurmarki liðsins í 1 -2 sigri á KR í vesturbænum í dag. Athygli vakti að engin gæsla var á vellinum svo stuðningsmaðurinn komst óhindrað inn á völlinn og útaf honum aftur.
Hann klifraði því upp í stúku aftur eftir að hafa fagnað með liðinu og kom sér fyrir meðal annarra stuðningsmanna úr stuðningsmannasveitinni Silfurskeiðinni.
Páll Kristjánsson formaður KR horfði á þetta gerast þar sem hann sat í stúkunni og átti orðaskipti við Hauk sem á endanum var vísað úr stúkunni.
Haukur hefur áður hlaupið inn á völlinn en hann gerði það með öðrum félaga sínum í sigurleik gegn FH í Kaplakrika árið 2018.
Myndirnar að neðan sýna þetta atvik.
Athugasemdir