Fótbolti.net

Adam Páls: Nú er farið að taka okkur alvarlega

Hemmi Hreiðars: Það var bara samningsatriði

Siggi Höskulds: Skoruðum löglegt mark

Óskar Hrafn: Meiri taugaspenna að hafa KR áhorfendur bak við sig

Jökull: Það er enginn ánægður í okkar klefa með frammistöðuna

Ólafur Ingi: Einhver narratíva þarna úti sem við erum ekki sammála

Danni Hafsteins: Ég vil spila alla leiki

Lárus Orri: Okkur vantar drápseðli

Sölvi Geir: Hann er búinn að sokka alla sem voru að gagnrýna hann

Amin Cosic hissa: Klobbaði einn og svo annan, bjóst svo við seinna gula þegar ég var rifinn niður

Jói Kalli ósáttur: Engin regla um hvað boltinn þarf að vera lengi í leik eftir að hagnaði er beitt

Þorri Stefán: Ég hef verið kallaður Joe Gomez Fram-liðsins

Rúnar Kristins: Við höfum fengið fyrirspurnir um Magnús

Davíð Helgi: Búinn að halda þessu fagni leyndu

Haraldur Freyr: Of langur tími til þess að 'suffera'

Enginn feluleikur hjá Hadda - „Ef þú ert ekki tilbúinn að leggja þig fram þá spilarðu ekki í KA“

Guðni Eiríks: Það er ekki tilfinningin sem ég fæ

Rúnar Páll: Við erum helvítis klaufar

Fyrsti leikurinn með Þór/KA síðan 2021 - „Þokkalega sanngjarnt"

Gunnar Heiðar: Við erum allir í 'revenge mode'

mán 13. október 2025 11:45

Elvar Geir Magnússon

Ólafur horfir enn á 2. sæti riðilsins - „Verðum hreinlega að fá þrjú stig“

Ólafur Ingi Skúlason er þjálfari U21 landsliðsins.

Mynd: Fótbolti.net - Hafliði Breiðfjörð

Þróttarvöllur.

Mynd: Fótbolti.net - Hafliði Breiðfjörð

U21 landslið Íslands mætir Lúxemborg á Þróttarvelli á morgun, þriðjudaginn 14. október klukkan 15:00.

Íslenska liðið er með tvö stig í undankeppni EM eftir þrjá leiki i riðlinum og ætla okkar strákar sér ekkert annað en sigur í leiknum.

Færeyingar eru á toppi riðilsins eftir þrjá sigra í fjórum leikjum, en Frakkar, sem mæta Eistum í dag, hafa t.a.m. einungis leikið einn leik.

Ólafur Ingi Skúlason, þjálfari U21 landsliðsins, ræddi við Fótbolta.net fyrir æfingu liðsins í Laugardalnum í dag og fékk fyrst spurningu um hvort ekki væri gerð krafa á að vinna Lúxemborg?

„Jú það er klárt. Við þurfum á sigri að halda. Við verðum hreinlega að ná í þrjú stig á morgun," svaraði Ólafur.

„Við áttum ekki góðan glugga stigalega séð síðast. Ég þekki þessa stráka mjög vel og mér finnst við enn eiga mikið inni. Við þurfum að búa til fleiri sénsa og skapa fleiri færi. Á sama tíma ekki vera brothættir aftast. Við þurfum að finna þetta jafnvægi."

„Lúx eru með mjög sóknarsinnað lið. Sterkir sóknarlega og gott fótboltalið. Ég hugsa að þetta verði alveg fram og til baka. Það munu koma móment þar sem þeir verða meira á boltanum og öfugt. Við þurfum að hafa tempó í okkar sóknarleik og vera beinskeyttir á síðasta þriðjungi. Ég vil sjá hungur í að komast í góðar stöður, fylla teiginn vel og klára."

Eftir fyrstu leikina í riðlinum, er einhver breyting á markmiðum liðsins?

„Nei við erum enn að horfa í annað sætið. Þá þurfum við þrjú stig á morgun, það er klárt. Við erum galvaskir áfram í að stefna á þetta annað sætið."

Ólafur segir að allir í hópnum séu klárir í slaginn. 23 leikmenn æfður á Þróttarvelli í dag en 20 ef þeim verða svo í leikdagshópnum á morgun.

Í sjónvarpinu hér að ofan er viðtalið við Ólaf í heild sinni en þar fer hann meðal annars yfir markalausa jafnteflið gegn Sviss síðasta föstudag.