Championship: Middlesbrough vann á köldu kvöldi í Stoke

Það eru ekki allir sem geta unnið Stoke á köldu þriðjudagskvöldi í Stoke-on-Trent, en Middlesbrough tókst það í kvöld.

Callum Brittain kom Boro yfir á 48. mínútu en aðeins tveimur mínútum síðar varð Neto Borges fyrir því óláni að skora sjálfsmark og jafna þar með leikinn.

Will Lankshear kom gestunum aftur yfir á 73. mínútu en Robert Bozenik jafnaði metin fyrir Stoke þegar fimm mínútur voru eftir af venjulegum leiktíma.

Dramatíkinni var hins vegar ekki lokið því þegar ein mínúta var liðin af uppbótartíma breyttist Borges úr skúrk í hetju þegar hann skoraði sigurmark Middlesbrough og tryggði liðinu stigin þrjú.

Boro er þar með komið upp í annað sæti deildarinnar með 21 stig.

Birmingham City vann þá stórsigur á Preston, 4-0, þar sem August Priske skoraði tvennu. Liam Millar og Demarai Gray voru einnig á skotskónum.

Birmingham er í þriðja sæti með 17 stig á meðan Preston situr sem fastast á botninum með aðeins fjögur stig.

Birmingham 4 - 0 Preston NE
1-0 Liam Millar ('34 )
2-0 August Priske ('45 )
3-0 August Priske ('45 )
4-0 Demarai Gray ('76 )
Rautt spjald: Stanley Mills, Preston NE ('56)

Stoke City 2 - 3 Middlesbrough
0-1 Callum Brittain ('48 )
1-1 Neto Borges ('50 , sjálfsmark)
1-2 Will Lankshear ('73 )
2-2 Robert Bozenik ('85 )
2-3 Neto Borges ('90 )