Úrvalslið vikunnar í enska - Huth í hjarta varnarinnar
Leicester vann öflugan sigur gegn Tottenham, Arsenal og Liverpool gerðu 3-3 jafntefli og sömu úrslit urðu í leik Newcastle og Manchester United.
Manchester City og Chelsea fengu eitt stig hvort úr umferðinni.
Tim Howard (Everton) - Þurfti að vera upp á sitt besta gegn Man City og það var hann. Hjálpaði Everton að ná stigi.
Mynd: Getty Images
Leandro Bacuna (Aston Villa) - Villa vann aðeins annan leik sinn á tímabilinu þegar liðið lagði Crystal Palace. Bacuna er í hægri bakverði í liði vikunnar.
Mynd: Getty Images
Robert Huth (Leicester City) - Óvænt hetja gegn Tottenham. Skoraði sigurmarkið með föstum skalla.
Mynd: Getty Images
Virgil van Dijk (Southampton) - Spilaði hörkuvel í sigri á Watford. Einn vanmetnasti leikmaður ensku deildarinnar í dag?
Mynd: Getty Images
Paul Dummett (Newcastle) - Tryggði Newcastle stig gegn Man Utd.
Mynd: Getty Images
Jonathan Walters (Stoke) - Það er alltaf hægt að stóla á Walters.
Mynd: Getty Images
Georginio Wijnaldum (Newcastle) - Stjarna hans hefur skinið skært.
Mynd: Getty Images
Firmino (Liverpool) - Skoraði tvívegis gegn Arsenal. Seinna markið var konfekt.
Mynd: Getty Images
Wayne Rooney (Manchester United) - Fyrirliði United hefur byrjað árið 2016 frábærlega.
Mynd: Getty Images
Jermain Defoe (Sunderland) - Sóknarmaðurinn reynslumikli var stórgóður þegar Sunderland lagði Swansea.
Mynd: Getty Images
Olivier Giroud (Arsenal) - Klúðraði dauðafæri á ótrúlegan hátt en skoraði tvö mörk og er kominn með tólf samtals.
Mynd: Getty Images
