Byrjunarlið Arsenal og Aston Villa: Trossard og Jesus byrja

Arsenal er að berjast á toppnum við Manchester City og Liverpool um Englandsmeistaratitilinn á meðan Aston Villa er í baráttunni um sæti í Meistaradeild Evrópu á næstu leiktíð.

Gestirnir gerðu 3-3 jafntefli í síðasta deildarleik sínum gegn Brentford á heimavelli á meðan Skytturnar fóru létt með Brighton á útivelli og unnu 0-3.

Mikel Arteta, stjóri Arsenal, gerir þrjár breytingar á sínu liði en Oleksandr Zinchenko, Leandro Trossard og Gabriel Jesus koma inn í liðið fyrir þá Jakub Kiwior, Jorginho og Gabriel Martinelli. 

Unai Emery, stjóri Aston Villa, gerir þá tvær breytingar en Douglas Luiz er í leikbanni og Leon Bailey fer á bekkinn. Inn koma þeir Nicolo Zaniolo og Moussa Diaby.

Arsenal: Raya; White, Saliba, Gabriel, Zinchenko; Odegaard, Rice, Havertz; Saka, Jesus, Trossard.
(Varamenn: Ramsdale, Partey, Smith Rowe, Martinelli, Nketiah, Kiwior, Tomiyasu, Jorginho, Vieira.)

Aston Villa: Martinez, Konsa, Carlos, Torres, Digne, Zaniolo, Tielemans, McGinn, Rogers, Diaby, Watkins.
(Varamenn: Olsen, Cash, Moreno, Chambers, Lenglet, Duran, Kesler-Hayden, Bailey, Iroegbunam.)