Félagaskiptaglugginn er að opna og eru lið nú þegar farin að styrkja sig. Álftanes í 4. deildinni var að næla í Atla Frey Ottesen frá Njarðvík, sem leikur í Inkasso-deildinni.
Atli, sem er vængmaður, er uppalinn í Álftanesi. Hann fór yfir Stjörnuna þar sem ekki var 3. flokkur hjá Álftanesi og kom við sögu í átta leikjum þegar Stjarnan varð Íslandsmeistari 2014.
Atli er búinn að koma við sögu í fimm leikjum með Njarðvík í sumar, þar af er hann búinn að spila tvo leiki í Inkasso-deildinni en hinir þrír leikirnir komu í Mjólkurbikarnum.
Hann spilaði í fyrra 18 leiki með Njarðvík í 2. deildinni og skoraði þar fjögur mörk.
Auk þess að leika með Njarðvík og Stjörnunni hefur Atli leikið með Skínanda, Gróttu, Leikni R. og KV á ferli sínum.
Þetta er góður liðsstyrkur fyrir Álftanes sem er í efsta sæti í C-riðli 4. deildar. Baráttan þar er mjög hörð á toppnum.
Athugasemdir