Viðræðum Man City við Bouaddi miðar vel

Viðræður Man City við umboðsteymi Bouaddi hafa gengið vel og mun félagið að öllum líkindum leggja fram kauptilboð á næstu dögum.

Bouaddi er 18 ára miðjumaður Lille, þar sem hann er samherji Hákons Arnars Haraldssonar, en er eftirsóttur af stærstu fótboltafélögum veraldar.

Hann er mikilvægur hlekkur í byrjunarliði Lille þrátt fyrir ungan aldur og er City tilbúið að lána leikmanninn aftur til uppeldisfélagsins ef þeim tekst að festa kaup á honum.

Bouaddi var mikilvægur hlekkur upp unglingalandslið Frakklands en kaus að spila fyrir A-landslið Marokkó þegar tækifærið gafst. Hann er búinn að vinna sér inn byrjunarliðssæti í sterku liði Marokkó og hjálpaði liðinu að komast í 8-liða úrslit á HM.

Bouaddi er varnarsinnaður miðjumaður og hefur meðal annars verið orðaður við Real Madrid, Arsenal og Liverpool auk Man City.