„Við höfum lítinn smekk fyrir því að tapa leikjum," sagði Ómar Ingi Guðmundsson þjálfari HK eftir 2-0 tap liðsins gegn Þór í Lengjudeildinni í kvöld en þetta var fjórða tap toppliðsins í sumar.
Lestu um leikinn: Þór 2 - 0 HK
„Nei, ekki vanmat. Kannski ofmat á eigin ágæti gagnvart því að við þyrftum ekki að leggja jafn mikið á okkur og við eigum að þurfa að gera. Held við höfum ekki vanmetið þá, frekar að við lögðum einfaldlega ekki jafn hart að okkur í fyrri hálfleik til að eiga neitt annað skilið og þá var þetta alltaf erfitt."
Ómar var ekki hrifinn af dómgæslunni í leiknum.
„Það var ekki ástæðan fyrir því að við töpuðum en ásamt okkar frammistöðu var þetta sú versta sem ég hef séð í sumar hjá tveimur liðum," sagði Ómar.
