Francesco Acerbi, varnarmaður Lazio og ítalska landsliðsins, opinberaði það á Instagram í dag að hann væri orðinn faðir í fyrsta sinn.
Þetta er stór áfangi fyrir þennan 33 ára leikmann sem varð Evrópumeistari með Ítalíu í sumar.
Hann eignaðist dóttur sem fær nafnið Vittoria, nafnið er engin tilviljun en Acerbi hefur sigrast í tvígang á krabbameini í eistum.
Þetta er stór áfangi fyrir þennan 33 ára leikmann sem varð Evrópumeistari með Ítalíu í sumar.
Hann eignaðist dóttur sem fær nafnið Vittoria, nafnið er engin tilviljun en Acerbi hefur sigrast í tvígang á krabbameini í eistum.
Hann greindist fyrst með krabbameinið þegar hann var í læknisskoðun áður en hann gekk í raðir Sassuolo sumarið 2013. Hann gekkst undir meðferð en greindist aftur með meinið og þurfti að taka sér hlé frá fótbolta.
Hann mætti aftur til leiks 2014-15 tímabilið og hefur verið heilbrigður síðan.
Hann hefur verið hjá Lazio síðan 2018 og á nítján landsleiki með Ítalíu. Hann lék með liðinu á EM alls staðar í sumar.
Athugasemdir