Af hverju eyðir Man Utd ekki meiru?

Martínez fór mikinn í viðtali eftir 2-0 tap gegn Atletico Madrid og gagnrýndi félagið í leikmannálum. Hann segir að stjórnendur félagsins beri ábyrgð á því að leikmannahópnum skorti breidd.

Sky Sports tók fyrir málið í dag og var spurt að því hvers vegna félagið hefði ekki gert meira á leikmannamarkaðnum.

„Manchester United er ekki lengur það stórveldi í fótboltaheiminum sem félagið var eitt sinn," segir Dorsett.

Fréttamaðurinn bendir á að skuldir sem megi rekja til Glazer-fjölskyldunnar, stærstu eigenda félagsins, hafi einnig áhrif á svigrúm United til að fjárfesta. Man Utd hafi því þurft að fylgja skýrri stefnu á leikmannamarkaðnum. Fyrir tveimur sumrum hafi áherslan verið á sóknarleikmenn en í sumar hafi félagið einbeitt sér að miðjunni, enda hafi Casemiro verið á förum.

United eyddi samtals 156 milljónum punda í þrjá miðjumenn í sumar og allir þrír byrjuðu síðasta leik liðsins. Að sögn Dorsett verður næsta skref að styrkja varnarleikinn, en margir stuðningsmenn hafa gagnrýnt að Luke Shaw sé eini reyndi vinstri bakvörðurinn í hópnum. Félagið vilji hins vegar ekki eyða peningum í skammtímalausn þegar stefnt sé að því að fá nýjan vinstri bakvörð næsta sumar.

Dorsett segir að United hafi ekki haft fjárhagslegt bolmagn til að fá þá Myles Lewis-Skelly eða Lewis Hall, sem eru helstu skotmörk félagsins í stöðu vinstri bakvarðar, síðastliðið sumar.

Stuðningsmenn United eru skiljanlega ósáttir við að sjá keppinauta sína eyða háum fjárhæðum á meðan þeirra eigið félag þarf að sýna aðhald. Dorsett segir þó að félagið muni ekki láta þrýsting frá stuðningsmönnum hafa áhrif á langtímastefnu sína, þótt gremjan yfir stöðunni sé skiljanleg.